Eusko Jaurlaritzak ez du babes sozialaren aldeko gure Herri Ekimen Legegilea eztabaidatu nahi

Eusko Legebiltzarreko Gobernu Kontseiluak pobrezia eta bazterketa sozialaren aurkako kalitatezko babes sozialerako sistema publikoaren Herri Ekimen Legegilearen (HEL) aurkako irizpidea adierazi zuen atzo. Erabili zuen argudioa, dagoeneko badela EAJ eta PSE-EE-PSOEren lege-proposamen bat diru sarrerak bermatzeko eta inklusiorako.

Euskal Herriko Eskubide Sozialen Kartatik erabaki honen aurreko erabateko desadostasuna adierazi nahi dugu:

  1. HELi, Gobernuko alderdiek aurkezturiko lege-proposamenaren aurretik eman zitzaion sarrera, beraz, lehen honen eztabaida aurretik izan beharko litzateke. Eusko Jaurlaritzak darabilen argumentua, lege proposamenaren aurkako irizpide bezala erabili beharko luke, eta agerikoa da hau ez dela horrela izan.
  2. Eusko Jaurlaritzako zerbitzu juridikoek HELaren aldeko txostena kaleratu zuten, eta ondoren, Eusko Legebiltzarreko mahaiak, sinadurak batzeari argi berdea eman zion.
  3. HELak, 51.000 sinaduraren babesa jaso du, eta hauek baieztatu eta onartuak izan dira.

Euskal Herriko Eskubide Sozialen Kartatik sarri salatu dugu egungo laguntza sozialak eznahikoak direla, azken urteetan gobernu ezberdinen murrizketak jasan dituzte. Guk hauen aurrean, egingarriak diren proposamenak mahaiganeratu eta alternatibak jarri dizkiogu egungo sistemari. Errealitateak garbi erakusten digu gero eta jende gehiago dagoela pobreziaren mugan, eta gero eta jende gutxiagok daukala laguntzak eskuratzeko aukera, beraz, gero eta gehiago dira bazterketa egoeran daudenak.

Hau da errealitatea, eta ez Eusko Jaurlaritzari bakarrik axola zaiona, aurrekontuena, kalkulu ekonomiko hutsa (Gobernuak, errealitate sozioekonomikoa kontuan hartzen duela dio, baina benetan esan nahi duena da ez duela laguntza sozialetara diru gehiago bideratu nahi). Beraien lege proposamenak bide berdinean sakondu nahi du, eskaerak egiteko baldintzak zailduz, eta erabiltzaileak kriminalizatuz, helburu bakarra, murriztea eta gastua gutxitzea da.

Aurkezturiko HELak DSBEren zenbatekoa duindu nahi du, pobrezian edo bazterketa sozialean dagoen jendarteari estaldura hobea ematearekin batera.

Jendartearen zati handi baten babesa duen HELaren eztabaida ez irekitzea exekutibo honen demokrazia parte hartzailearen faltaren beste adierazle bat izango da.

Kategoriak Albisteak | Etiketak , , | Erantzunak desaktibatuta daude Eusko Jaurlaritzak ez du babes sozialaren aldeko gure Herri Ekimen Legegilea eztabaidatu nahi sarreran

Aurrekontu burujabe, sozial eta parte-hartzaile batzuen alde bustitzen jarraituko dugu #AurrekontuSozialak

Euskal Herriko Eskubide Sozialen Kartak deituta ehunka lagun elkartu dira Eusko Legebiltzarrak Gasteizen duen egoitzaren aurrean aldaketa sozialaren bidean lagunduko duten aurrekontu burujabe, sozial eta parte-hartzaile batzuk eskatuz. Zoritxarrez, Eusko Jaurlaritzak 2019rako luzatuko dituen aurrekontuak ez dute bide horretan lagunduko.

Baina, salaketaz gain, Euskal Herriko Eskubide Sozialen Kartaren ordezkariek alternatibak egon badaudela azpimarratu nahi izan dute. Zentzu honetan, beteko balira mila lagunen bizi baldintzak hobetuko lituzketen hainbat neurri proposatu dituzte.

1. Aldaketa soziala. Politika publikoak goitik behera aldatzea nahi dugu, behar dugu: aberastasunaren banaketa, kalitatezko enplegua sortzea; politika publikoen oinarri bizitza iraunkorra, askatasunaren eta eskubide kulturalen defentsa izan behar dira.

2. Zerga-erreforma sakona galdegiten dugu; gehiago dutenek gehiago ordain dezatela.

3. Aurrekontuek genero ikusmoldea izatea ezinbestekoa da.

4. Osasun eta Hezkuntzako inbertsio publikoa (BPGarekiko) europar batez besteko mailarekin parekatu.

5. Energiaren produkzio eta merkaturatzean kontrol publikoa ezarri.

6. Gelditu egin behar dira abiadura handiko trena, erraustegiak, gasa erauzteko plantak… Naturaren eta gure osasunaren kalterako proiektuak dira, dirua xahutu eta gure aurrekontuetako poltsa komuna husten dutelarik; eztabaida sozial parte-hartzailea bultzatu.

7. Babes sozialeko sistema publiko, integral, duin eta kalitatezkoa aldarrikatzen dugu; bizitzaren iraunkortasuna izango da nahi dugun jendarte-ereduaren ardatza.

8. Herritar guztiei oinarrizko eskubide sozialak bermatu, inolako diskriminaziorik gabe, eta lehentasuna emanez egoera sozial larrienean daudenei.

9. Azken bururaino eraman beharreko auditoritza egin.

10. Aurrekontu parte-hartzaileak aldarrikatzen ditugu; herritarrek parte hartuko dutela bermatu behar da, politika publikoak diseinatu eta erabakitzerakoan.

11. Araba, Bizkaia eta Gipuzkoari zor zaie erabaki ekonomikoak hartu eta eredu sozialari buruz ebazteko eskubide subiranoa.

Bestalde, bihar Iruñean Nafarroako aurrekontuen inguruko beste ekitaldi bat egingo da, Parlamentu Sozialarekin batera.

Kategoriak Albisteak | Etiketak , | Erantzunak desaktibatuta daude Aurrekontu burujabe, sozial eta parte-hartzaile batzuen alde bustitzen jarraituko dugu #AurrekontuSozialak sarreran

EAEko aurrekontu burujabe, sozial eta parte hartzaileen aldeko mobilizazioa egingo dugu bihar Gasteizen #AurrekontuSozialak

11:30ean izango da mobilizazioa, bihar abenduaren 13an, Gasteizko Parlamentuaren aurrean.

Kategoriak Uncategorized | Etiketak , | Erantzunak desaktibatuta daude EAEko aurrekontu burujabe, sozial eta parte hartzaileen aldeko mobilizazioa egingo dugu bihar Gasteizen #AurrekontuSozialak sarreran

Zubietan egongo gara, Iraultza Txikien Akanpadan

Irailaren 21ean, ostiralean hartuko dugu parte Zubietan egingo den ekimenean. “Lurrikaren erdian, gu berri bat” saioan izango da, 19:00etatik aurrera, Emakumeen Mundu Martxa, Amankomunak eta Hiritarren harrera sarearekin batera.

Kategoriak Albisteak | Etiketak , , | Erantzunak desaktibatuta daude Zubietan egongo gara, Iraultza Txikien Akanpadan sarreran

1.000 sinadura jaso nahi dituzte Basaurin

Igandean, irailaren 9an, egingo dute Herri Ekimen Legegilearen aldeko sinadura bilketa Basaurin. 13:00etatik aurrera, Kaleroko jaietan egongo dira.

Erronka da Basaurin 1.000 sinadura baino gehiago jasotzea.

Kategoriak Albisteak | Etiketak , , , | Erantzunak desaktibatuta daude 1.000 sinadura jaso nahi dituzte Basaurin sarreran