POBREZIARA KONDENATU NAHI GAITUZTE!

Pobrezia gure artean dagoen arazo larria da. Ez dago estatistikei erreparatu besterik egoeraren larritasunaz ohartarazteko. Eusko Jaurlaritzaren Pobreziaren eta Gizarte Ezberdintasunen Inkestak jasotzen duenez Euskal Autonomia Erkidegoan 104.177 lagun daude pobrezia larrian, herritarren %4,9a. Kopuru hau gai honen inguruko estatistikak daudenetik dagoen handiena da. Gainera, 350.668 lagun daude pobrezia arriskuan, herritarren %16,5a. Eta ezin dugu ahaztu hamaika aldiz esan duguna: pobreziak emakume aurpegia du.

Datuak beldurtzeko modukoak dira. Egoera jasangaitza da eta mobilizatu beharra dago. Horregatik urriaren 17an, asteartea, Pobreziaren Ezabatzeko Nazioarteko Eguna dela-eta, kalera aterako gara Gasteizen (11:00, Andra Mari Zuriaren Plaza). Kalera aterako gara egoera hau salatzeko, bai, baina alternatibak ditugula esteko ere. Ezinbestekoa da pobreziarekin amaituko duten lege bat garatzea; ezinbestekoa da babes sozialerako sistema propioa izatea; ezinbestekoa da azken urteetako murrizketak bertan behera uztea; ezinbestekoa da politika antisozialekin amaitzea…

Urriaren 17an, asteartea, kalean izango gara. Andra Mari Zuriaren Plazatik hasita Eusko Legebiltzarreraino joango gara performance bat eginez. Pobreziara kondenatu nahi gaituzte, eta hori irudikatuko dugu. Baina argi izan ez diegula utziko.

— CAS—
Nos quieren condenar a la pobreza

La pobreza es un grave problema que está entre nosotras. No hay más que mirar las estadísticas para darse cuenta de la gravedad de la situación. Según recoge la Encuesta de Pobreza y Desigualdades Sociales del Gobierno Vasco en la Comunidad Autónoma del País Vasco hay 104.177 personas en situación de pobreza grave, el 4,9% de la sociedad. Este porcentaje es el más grande desde que hay estadísticas sobre este tema. Además, hay 350.668 personas en riesgo de pobreza, el 16,5%. Y no podemos olvidar lo que hemos dicho muchas veces: la pobreza tiene rostro de mujer.

Los datos son terribles. La situación es insostenible y hay que movilizarse. Por eso el 17 de octubre, Día Internacional para la Erradicación de la Pobreza, saldremos a la calle en Gasteiz. (11:00, Plaza de la Virgen Blanca). Saldremos a la calle para denunciar esta situación, si, pero también para demostrar que tenemos alternativas. Es imprescindible desarrollar una ley que acabe con la pobreza; es imprescindible tener un sistema propio de protección social; es imprescindible acabar con los recortes de los últimos años; es imprescindible acabar con las políticas antisociales…

El 17 de octubre, martes, saldremos a la calle. Empezando de la Plaza de Virgen Blanca iremos haciendo un performance hasta el Parlamento Vasco. Nos quieren condenar a la pobreza, y trataremos de representar eso. Pero tened claro que no les dejaremos.

Kategoriak Uncategorized | Etiketak , , | Erantzunak desaktibatuta daude POBREZIARA KONDENATU NAHI GAITUZTE! sarreran

Nafarroan Alternatiben Herria eraikitzen jarraitzen dugu

Pasa den asteazkenean, urriak 11ean, Iruñean ekainaren 2an egingo den Alternatiben Herriko lehen Asanblada arrakastatsua egin zen. Eragile ugarik parte hartu eta ilusioz aurrera ekiteko oso baliagarria izan zen. Gaurkoan, ilusioa zuekin guztiokin partekatu nahi izan dugu eta Ahotsa.info herri komunikabideak egindako bideoa konpartitu.

El miércoles pasado celebramos la primera Asamblea del Alternatiben Herria que se celebrará el 2 de junio en Iruñea. Participaron muchas organizaciones y supuso un chute de energia para todas las participantes. Por eso, queremos compartir el video que hizo AHOTSA con todas vosotras.

BIZITZA BURUJABEA ESKUBIDE OSOZ!

Kategoriak Albisteak | Etiketak , , | Erantzunak desaktibatuta daude Nafarroan Alternatiben Herria eraikitzen jarraitzen dugu sarreran

Alternatiba sortuz, Basauri berri bat amesten

Gaur, Urriak 12 Euskal Herriko Eskubide Sozialaren ekimenez Basaurin alternatibak baditugula eta bestelako Basauri berri bat amesten dugula aldarrikatu dugu.

12:30tan hasita Kalejiran abiatu gara Bentako plazatik eta geldialdi desberdinak egin ditugu parte hartu dugun eragile bakoitzak Basauri nola ikusten dugun eta hemendik eta 10 urtera gure burua non eta nola proiektatzen dugun hausnartu eta elkarrekin partekatzeko.

Herriko hainbat eragilek parte hartu dugu: Basauriko emakumeen taldea, Txarraska gaztetxea, ekologistak, Mujeres en la diversidad, Euskarabila eta Baietz basauri.

Hemen egunak utzitako argazki batzuk

Kategoriak Albisteak | Etiketak , | Erantzunak desaktibatuta daude Alternatiba sortuz, Basauri berri bat amesten sarreran

Errusiako Iraultzaren mendeurrenean jardunaldiak Getarian

100 urte betetzen dira Errusian iraultza boltxebikea eman zenetik. Urteurrena baliatuz, Jardunaldiak antolatu ditu Getariako Euskal Herriko Eskubide Sozialen kartak Urria eta Azaroan.

Besteak beste, Arnaldo Otegi, marcos Roitman, Josefina L. Martinez, Iñaki Gil de san Vicente eta Xabier Arrizabalok parte hartuko dute. Hona hemen egitarauaren kartela.

Kategoriak Albisteak | Etiketak , | Erantzunak desaktibatuta daude Errusiako Iraultzaren mendeurrenean jardunaldiak Getarian sarreran

Babesa MUGAK ZABALDUZ karabanari

Uztailaren 14an Mugak Zabalduz Karabana abiatuko da Melillarantz, etorkinek eta errefuxiatuek Hego Mugan pairatzen duten Giza Eskubideen urraketa sistematikoa salatzeko. Hori dela-eta Euskal Herriko Eskubide Sozialen Kartak agerraldi publikoa egin du Bilbon, ekimen honi bere babesa eta elkartasuna adierazteko.

Euskal Herriko Eskubide Sozialen Kartaren ordezkariek salatu dutenez, etorkinek eta errefuxiatuek jasaten duten egoera egungo migrazio-politika hiltzaile eta antisozialen ondorio da. “Halako politiken ondorio dira, halaber, biztanleriaren pobretze orokortua eta aberastasunaren banaketa gero eta bide- gabeagoa. Borrokatu beharra dugu, eta eskubide politiko, zibil eta ekonomikoak pertsona guztiei hedatu”.

“Errefuxiatuak eta migratzaileak pobreen arteko gerra islatzen eta are sakonagoa egiten duen ikurra dira. Oso funtzionalak dira sistema kapitalistarako, eta bere urrezko arauetako bat: eskulan, formal edo informal, merkea eta prekarioa, langileen eskubideen murrizketarako bidea formalizatzen duena”.

Hau guztiagatik ekimen honen bozeramaileek euren mespretxu osoa adierazi nahi izan diete Europako erakunde eta gobernuei, kapitalaren eskubideak babesten eta pertsonen eskubideak urratzen ari direlako. “Proiektu neoliberal, patriarkal, militarizatu, baztertzaile eta erregresiboa defendatzen dutenen aurrean, guk elkartasun internazionalistaren alde egiten dugu, pertsonon eta herrien arteko topaketan oinarritua”.

Hona hemen aurkeztutako agiria:

Euskal Herriko Eskubideen Karta sinatu dugun erakunde sozial eta sindikalok babesa agertu nahi diogu Mugak Zabalduz Karabanari. Uztailaren 14an, Melillarantz abiatuko da, etorkinek eta errefuxiatuek Hego Mugan pairatzen duten Giza Eskubideen urraketa sistematikoa salatzeko. Xede dugun jendarte-ereduaren erdigunean, bizitza dago, eta bizitza jokatzen dute, hain zuzen ere, gerratik eta miseriatik ihesi dabiltzanek.

Salatzen dugu etorkinek eta errefuxiatuek jasaten duten egoera egungo migrazio-politika hiltzaile eta antisozialen ondorio dela; halako politiken ondorio dira, halaber, biztanleriaren pobretze orokortua eta aberastasunaren banaketa gero eta bidegabeagoa. Borrokatu beharra dugu, eta eskubide politiko, zibil eta ekonomikoak pertsona guztiei hedatu.

Gobernuek barnerarazi nahi dizkiguten arrazismoaren eta xenofobiaren muina honelako baieztapen faltsuak dira: “Lana kentzen digute”, “Gaizkileak eta terroristak dira”, “Gure gizarte-laguntzez aprobetxatzen dira”, “Inbaditu egiten gaituzte”, etab. Halako adierazpenek ez dituzte kontuan hartzen neokolonialismo-formak, alegia, egungo eredua herrialde aberastuek Munduko Hegoaldeko herrialdeak mendean izateko.

Europako Batasunean, 119 milioi pertsona baino gehiago pobrezia-arriskuan daude; ondorioz, barne-migrazioak izaten dira herrialde kideen artean. Lan-prekarietatea enpresen eta herrialdeen arteko lehiaren funtsezko osagaia da, orokortua sektore jakin batzuetan (eraikuntza, garraioak, haragi-industria, gizarte-arreta eta etxeko lana), eta EBko langileen arteko barne-migrazioen esplotazioa legeztatzen du.

Nekropolitika da sistema ekonomiko kapitalista eta patriarkalak bultzatzen dituen bideetako beste bat: pertsonak esplotatzeaz eta kanporatzean gain, hiltzen uzten ditu. Nazioarteko krimen hutsak dira. Erailtzen dira mugimendu ekologista, feminista eta LGTBko buruzagiak, nekazariak eta indigenak, beren lurra proiektu hidroelektriko erraldoien kontra babesteagatik, baina sistema kapitalistak sobera dituen pertsonak ere ezabatzen dira: kontsumitu edo ekoiztu ezin dutenek enbarazu egiten dute, eta giza hondakin bihurtzen dira (Bauman).

Sistema kapitalistak jendea behar du oraindik, eta eskulan migratzailea izaten jarraituko du. Baina eskulan horrek ez du eskubiderik izango, eta lan egingo du eraikuntzan, ostalaritzan edo zaintzan, eskulan merke eta prekarizatua bihurtua. Hala, soldatak jaitsi eta lan-baldintzak eskastu egingo dira, jende esplotatuaren eta jende pobrearen arteko gatazka-prozesu batean -kapitalak eta gobernu konplizeek bultzatuta-, nazional pobreen eta atzerritar pobreen artekoan. “Gerra” horrek kapitalismoari egiten dio mesede, eta arrazismoaren eta xenofobiaren euskarri da.

Errefuxiatuak eta migratzaileak pobreen arteko gerra islatzen eta are sakonagoa egiten duen ikurra dira. Oso funtzionalak dira sistema kapitalistarako, eta bere urrezko arauetako bat: eskulan, formal edo informal, merkea eta prekarioa, langileen eskubideen murrizketarako bidea formalizatzen duena.

Gure mespretxu osoa Europako erakunde eta gobernuentzat, kapitalaren eskubideak babesten eta pertsonen eskubideak urratzen ari direlako. Proiektu neoliberal, patriarkal, militarizatu, baztertzaile eta erregresiboa defendatzen dutenen aurrean, guk elkartasun internazionalistaren alde egiten dugu, pertsonon eta herrien arteko topaketan oinarritua.

11 de julio de 2017, Euskal Herria

Kategoriak Uncategorized | Erantzunak desaktibatuta daude Babesa MUGAK ZABALDUZ karabanari sarreran