CETA onartu dute Europar Legebiltzarrean. Borrokak jarraitzen du!

Zoritxarrez ez da ustekaberik egon. Europako Legebiltzarrak Kanada eta Europar Batasunaren arteko CETA hitzarmen neoliberalaren alde bozkatu dute. 408 diputatuk eman dute baiezkoaren aldeko bozka, tartean PNV, PSOE eta PPren ordezkariek.

Atzo, San Valentin eguna deitzen duten horretan, alderdi politiko hauen eta kapitalaren arteko maitasun erromantikoa salatu genuen. PNV, PSE eta PP-k euskal herritarron bizitzak nabarmen pobretuko dituen hitzarmenen alde egin dute, gehiengoen eskubideen murrizketak lau jauntxoentzako errenta handitzeko erabiliz.

Baina atzokoa ez da egin dugun mobilizazio bakarra. Han eta hemen, Euskal Herrian barrena ugarituz joan dira TTIP eta CETAren aurkako ekimenak. TTIP- CETA ren aurkako plataformek eta Euskal Herriko Eskubide Sozialen kartaren arteko elkarlana adibide nabaria izan da. Akordioen atzean dagoena azalarazteko hitzaldi eta mahai inguruak, instituzioak posizionatzeko mozioak, mobilizazioak… Herritarrok argi eta garbi adierazi dugu behin baino gehiagotan ez gaudela prest gure bizitzak pobretu eta trasnazionalen etekinak handitzeko planifikatutako akordio neoliberalik.

Europar Legebiltzarrean onartu dute, baina borroka ez dago galduta. Estatuen oneritzia beharrezkoa dute. Eta herritarron borondatea izango dute aurrean. Euskal Herriko eskubide sozialen karta osatzen dugun eragileok argi dugu ez ditugula gure ekubideak salduko, akordioen aurka gaudenon elkarlana beharrezkoa dela eta mobilizazio eta presio sozialaz irabazteko asko dugula. Jarrai dezagun beraz, orain arte bezala edo indar handiagoz.

TTIP eta CETAri ez!

TTIP eta CETAren aurkako mobilizazioetako irudi batzuk
Kategoriak Albisteak | Etiketak | Erantzunak desaktibatuta daude CETA onartu dute Europar Legebiltzarrean. Borrokak jarraitzen du! sarreran

CETAz maitemindurik

Otsailaren 15ean Europako Parlamentuaren osoko bilkurak Europar Batasunaren eta Kanadaren arteko Ekonomia eta Merkataritza Akordio Orokorraren testua bozkatuko du, bere ingelesezko laburdurekin ezagutzen den tratatua, CETA. Horregatik gaur, San Valentin eguna, Euskal Herriko Eskubide Sozialen Kartak Bizkaiko eta Nafarroako TTIP/CETA ez plataformekin batgera hainbat mobilizazio antolatu ditu Hego Euskal Herriko hiriburuetan.

Mobilizazio hauen helburua merkataritza libreko hitzarmen honen alde bozkatuko duten alderdien jarrera salatzea izan da. Horregatik kontzentrazioak herritarren gehiengoarentzat horren kaltegarria den merkataritza libreko hitzarmen honen alde bozkatuko duten alderdien egoitzen aurrean egin dira.

Bilbon hitzordua EAJren egoitzaren aurrean izan da; Donostian PSE-EErenaren aurrean; Gasteizen PPrenaren aurrean. Iruñean hitzordua 19:30tan da; kalejira batek Udaletxea eta Carlos III batuko ditu.

Gaur San Valentin da, eta Euskal Herriko klase politikoaren zati handi bat CETAz maiteminduta dago. Gu, ez.

Kategoriak Uncategorized | Erantzunak desaktibatuta daude CETAz maitemindurik sarreran

CETA HITZARMENAREN AURKAKO MOBILIZAZIOAK

Otsailaren 15ean Europako Parlamentuaren osoko bilkurak Europar Batasunaren eta Kanadaren arteko Ekonomia eta Merkataritza Akordio Orokorraren testua bozkatuko dute, bere ingelesezko laburdurekin ezaguten den tratatua, CETA.
Horregatik Euskal Herriko Eskubide Sozialen Kartak hainbat mobilizazio antolatu ditu Hego Euskal Herriko hiriburuetan otsailaren 14rako, asteartea. Mobilizazio hauen helburua merkataritza libreko hitzarmen honen aldeko boza emango duten alderdien jarrera salatzea izango da. Hauek dira antolatu diren mobilizazioak:
• Bilbo: 11:30etan Sabin Etxearen aurrean (PNV-EAJren egoitza). Bizakaiko TTIP-CETA EZ! Kanpainak eta Euskal Herriko Eskubide Sozialen Kartak deituta
• Donostia: 11:00etan Bilbo Plazan (PSEren egoitzaren aurrean)
• Gasteiz: 11.00etan Olagibel kalea, 2 (PPren egoitzaren aurrean)
• Iruñea: 19:30-21:00 Udaletxetik Carlos III-raino informazio eta propaganda banaketa. Nafarroako TTIP-CETA EZ! kanpainarekin batera

Kategoriak Uncategorized | Erantzunak desaktibatuta daude CETA HITZARMENAREN AURKAKO MOBILIZAZIOAK sarreran

Ehundaka lagun Bilbon Gizarte Prestazioetan murrizketaren aurka

Gaur Bilbon ehundaka lagun Gizarte Prestazioetan murrizketaren kontrako eta Babes Sozialerako Euskal Sistema duin eta kalitatezkoaren aldeko giza katea osatu dugu. Bizkaia plazatik abiatuta Eusko Jaurlaritzaren delegazioraino Bilboko kaleetan zehar aldarrikapen hauek zabaldu ditugu. Eusko Jaurlaritza legearen kontra bultzatzen ari den DBEren aurkako murrizketek protagonismo berezia izan dute gaurko mobilizazioan

Kategoriak Albisteak | Etiketak , , | Erantzunak desaktibatuta daude Ehundaka lagun Bilbon Gizarte Prestazioetan murrizketaren aurka sarreran

Gizarte prestazioetan murrizketak salatzeko mobilizazioa otsailaren 3an Bilbon!

Euskal Herriko Eskubide Sozialen Kartak Eusko Jaurlaritzak gizarte prestazioetan ezartzen dituen murrizketak salatzeko protesta ekintza egingo du otsailaren 3an –ostirala– Bilbon; giza-katea 10:30tan aterako da Bizkaia plazatik, eta Eusko Jaurlaritzak duen egoitzaren aurrean amaituko da (Gran Via, 85).

Gaur egin da ekimen honen aurkezpena. Euskal Herriko Eskubide Sozialen Kartaren bozeramaile Irati Sienrak eta Jabi Sierrak gogor salatu dituzte gizarte prestazioetan dauden murrizketak, eta babes sozialerako euskal sistema duin eta kalitatezko bat exijitu dute. “Eusko Jaurlaritza aplikatzen dabilen politika antisozialek biztanleriaren pobretze orokorra bultzatzen dutela salatzen dugu. Aberastasunaren banaketa gero eta injustuagoa da. Langabezia, prekarietatea, pobrezia eta desoreka sozial eta ekonomikoak areagotzen dituzte, aurrera daramatzan politika publikoek ez dutelako egoerari buelta ematea helburu, pertsonen beharrizanei lehentasuna emanez”.

Testuinguru honetan, Kartaren ordezkariek bestelako politika batzuk aplika ditzan exijitu diote Jaurlaritzari. Honen lekuko Diru Sarrerak bermatzeko Erretarekin gertatu dena salatu dute. “Lanbidek kudeatzen dituen prestazio desberdinak Lanbidearteko Gutxieneko Soldatari lotuta daude: beraz, azken honen edozein igoera, zuzenean aplikatu behar zaie Ondorioz, aurten Lanbidearteko Gutxieneko Soldata %8 igo dela kontuan hartuta, berehalakoan aplikatu beharko litzaieke igoera hori bai Diru Sarrerak bermatzeko Errentari, bai Lanbidek kudeatutako gainerako prestazioei”.

Kategoriak Albisteak | Erantzunak desaktibatuta daude Gizarte prestazioetan murrizketak salatzeko mobilizazioa otsailaren 3an Bilbon! sarreran